係Yahoo既影評 - 與神對話觀後感

放低宗教既角度，用信仰，人生，愛去睇呢部戲

優：除了書中精要外，更有其他的啟示，發人心醒
缺：只得一間戲院有得睇

睇完三十幾個評論，發覺大部份基督徒都唔係幾滿意呢部作品，原因可能係因為眼紅個作者咩都唔洗做就賺咁多錢，我奇怪既係..點解基督徒反而咁看重金錢？

我自己有睇過尼爾既幾本書，起初以為部戲會同書講既差唔多，點知一睇，除左書入面既啟示同觀點之外，套戲仲有更多生活上既精句，好似巴士上面個女仔話，「人們只是來來去去，所以不要說Good Bye, 而要說See you later，因為可能我們會再見。」

又例如公園流浪漢既一句，「在街上認識朋友很難，但擺脫朋友更難」，都令我有所啟發。

作者尼爾既個人生活差到不得了連佢自己都承認，離過幾次婚，又成日自作多情，但係大家有冇諗過，一個咁差既人神都向佢說話，何況係我地呢？呢個教導耶穌係聖經都有講過。

所以，放低宗教既立場同教義，用你自己既心靈去睇呢部電影，讓神與你親自說話。正如神對尼爾話，佢一直都向我地說話，問題係我地有冇聽呢？